ഓര്‍ക്കുട്ടന്മാരുടെ ശ്രദ്ധയ്ക്ക്...........

Posted: Saturday, September 25, 2010 by Admin in Labels:
2

ഓര്‍ക്കുട്ട് ഹാക്ക് ചെയ്യപ്പെട്ടിരിക്കുന്നു. ബ്രസീലിയന്‍ ഹാക്കര്‍മാരാണ് പിന്നിലെന്ന് സംശയിക്കപ്പെടുന്നു. Friends list ഇല്‍ ഉള്‍പ്പെട്ട ഏതെങ്കിലും ഒരാളില്‍ നിന്നുമുള്ള സന്ദേശം ഒട്ടു മിക്ക users ഇന്റെയും സ്ക്രാപ്ബുക്കില്‍ പോസ്റ്റ് ചെയ്യപ്പെട്ടിരിക്കുന്നു. Good Saturday എന്ന് ബ്രസീലിയന്‍ ഭാഷയില്‍ അര്‍തഥം വരുന്ന     bom Sabado എന്ന വാക്കും ഒപ്പം കുറച്ച് ജാവാസ്ക്രിപ്റ്റും ആണ് ഈ സന്ദേശത്തില്‍ അടങ്ങിയിരിക്കുന്നത്. ഈ ജാവാസ്ക്രിപ്റ്റ് run ചെയ്താല്‍ ഒരു പക്ഷെ നിങ്ങളുടെ പാസ് വേര്‍ഡ് അടക്കമുള്ള പ്രൊഫൈല്‍ വിവരങ്ങള്‍ ചോര്‍ത്തപ്പെട്ടേക്കാം, അല്ലെങ്കില്‍ ഏതെങ്കിലും കമ്മ്യൂണിറ്റികളില്‍ നിങ്ങളറിയാതെ ചേര്‍ക്കപ്പെട്ടേക്കാം. മിക്കവാറും എല്ലാവരും gmail account തന്നെയാണ് ഓര്‍ക്കുട്ടാന്‍ ഉപയോഗിക്കുന്നത് എന്നതു കൊണ്ട് പ്രത്യേകം ശ്രദ്ധിച്ചില്ലെങ്കില്‍ നിങ്ങളുടെ മെയില്‍ അക്കൗണ്ടും കൂടി ഹാക്ക് ചെയ്യപ്പെട്ടേക്കാം.

താല്‍ക്കാലിക സുരക്ഷക്കായി താഴെ കൊടുത്തിരിക്കുന്ന മുന്‍കരുതലുകള്‍ സ്വീകരിക്കുന്നത് നന്നായിരിക്കും.

1.  ഓര്‍ക്കുട്ട് ഈ പ്രശ്നങ്ങളില്‍ നിന്നും മുക്തി നേടുന്നത്  വരെ തത്കാലം ഉപയോഗിക്കാതിരിക്കുക എന്നതാണ് പ്രധാന പ്രതിവിധി.
2. ഇനി ഓര്‍ക്കുട്ട് ഉപയോഗിക്കണമെന്ന് നിര്‍ബന്ധമാണെങ്കില്‍ ജാവാസ്ക്രിപ്റ്റ് റണ്‍ ചെയ്യാത്ത മൊബൈല്‍ ബ്രൗസറുകളില്‍ ഉപയോഗിക്കാം. PC യില്‍ ആണെങ്കില്‍  javascript disable ചെയ്ത ശേഷം ഓര്‍ക്കുട്ട് തുറക്കുക, അല്ലെങ്കില്‍ m.orkut.com എന്ന അഡ്രസ്സ് ഉപയോഗിച്ച് ഓര്‍ക്കുട്ട് ഓപ്പണ്‍ ചെയ്ത് bom sabado scraps ഡിലീറ്റ് ചെയ്ത് കളയുക.
3. gmail ഇലോ മറ്റ് ഗൂഗിള്‍ സര്‍വീസുകളിലൊ ലോഗിന്‍ ചെയ്ത് നിങ്ങളുടെ പാസ് വേര്‍ഡ്, security question തുടങ്ങിയവ മാറ്റുന്നതും നന്നായിരിക്കും.




കൂടുതല്‍ വിവരങ്ങള്‍ അറിയാമെങ്കില്‍  ദയവായി കമന്റൂ.

മല്ലു പുരാണം - 1

Posted: by Admin in Labels: ,
7

ഇന്ത്യന്‍ ഇക്കണോമിയെ പരിപോഷിപ്പിക്കുക എന്ന ലക്ഷ്യം മാത്രം മുന്നില്‍ കണ്ടാണ് ടിന്റു മോനും മിന്റു മോനും അമേരിക്കക്കാരെ ഹൈദരാബാദില്‍ ഇരുന്നു കൊണ്ട് സേവിക്കാം എന്ന് തീരുമാനിച്ചത്. ഇതിനിടയില്‍ വീണു കിട്ടിയ ഒരവധി ദിവസം ഒരു ചെറിയ ഷോപ്പിങ് നടത്തി കളയാം എന്നു തീരുമാനിച്ചാണ് ടിന്റുവും മിന്റുവും പുറത്തിറങ്ങിയത്.

' sunday ആയിട്ടും ഒറ്റ പീസിനെ പോലും കാണുന്നില്ലല്ലോ അളിയാ' മിന്റുവിന്റെ വക പരാതി.

'പീസും വേണ്ട, ഒരു ........... വേണ്ട പെട്ടെന്ന് കോട്ടി എത്താന്‍ നോക്കെടാ'

ആദ്യം കണ്ട മേദിപ്പട്ടണം ബസ്സില്‍ വളരെ കഷ്ടപ്പെട്ടാണ് ചാടി കയറിയത്.

ബസ്സിലെ തിരക്കിനെ നല്ല പച്ച മലയാളത്തില്‍ പ്രാകി കൊണ്ട് മുന്നോട്ട് നീങ്ങുന്നതിനിടയില്‍ ടിന്റു മലയാളത്തിലുള്ള ഒരു സംഭാഷണ ശകലം കേട്ടു.

'അളിയാ, ആ ഫ്രണ്ടിലെ സീറ്റിലിരിക്കുന്ന പിള്ളേര് മല്ലൂസാ'

'എനിക്കും തോന്നി, എന്നാല്‍ മെല്ലെ മുന്നോട്ട് നീങ്ങാം'

ഒരു വിധം നമ്മുടെ നായകന്മാര്‍ കിളിശബ്ദത്തിന്റെ ഉദ്ഭവസ്ഥാനത്തിനടുത്തെത്തി വായ്നോട്ടം എന്ന കലാപരിപാടി ആരംഭിച്ചു. അടുത്ത ലക്ഷ്യം തങ്ങളും മലയാളികളാണെന്ന് അവരെ അറിയിക്കണം. അതിനായി നല്ല ശുദ്ധമായ മലയാളത്തില്‍ 120 ഡെസിബല്‍ ശബ്ദത്തില്‍ സംസാരിക്കാന്‍ തുടങ്ങി.
പക്ഷെ മിന്റുവിന്റെ ഭാഷയില്‍ പറഞ്ഞാല്‍ 'ജാഡ തെണ്ടി' കള്‍ ശ്രദ്ധിക്കുന്നേയില്ല. ഇനിയും ശബ്ദം കൂട്ടിയാല്‍ നല്ല തെലുങ്ക് തെറി കേള്‍ക്കേണ്ടി വരും എന്നത് കൊണ്ട് നിലവിലുള്ള അതേ വോളിയത്തില്‍ അവര്‍ കലാപരിപാടി തുടര്‍ന്നു കൊണ്ടിരുന്നു.

ഇതിനിടയില്‍ എവിടുന്നോ കയറി വന്ന ഒരു മദ്ധ്യവയസ്കന്‍ മിന്റുവിന്റെ മുന്‍പില്‍ നില്പ്പുറപ്പിച്ചു. മുന്‍പില്‍ എന്നു വെച്ചാല്‍ ഫോകസ് ചെയ്ത് വെച്ച മിന്റുവിന്റെ കണ്ണുകള്‍ക്ക് തൊട്ട് മുന്‍പില്‍.

' ഈ തന്തക്ക് വന്ന് നില്‍ക്കാന്‍ കണ്ട സ്ഥലം' ശകലം ശബ്ദം കൂടിപ്പോയോന്ന് മിന്റുവിന് തന്നെ സംശയം തോന്നി. എന്തായാലും ആ പിള്ളേര്‍ കേട്ടിട്ടുണ്ടാവില്ല അതു മതി.

മുജ്ജന്മ പുണ്യം കൊണ്ടോ എന്തോ ആ പുള്ളി അല്‍പം പുറകോട്ട് മാറി നിന്നു.

'അളിയാ ആ തന്ത മാറി, ഇപ്പൊ നല്ലോണം കാണാം'

മിന്റുവും ടിന്റുവും തങ്ങളുടെ കലാപരിപാടികള്‍ വീണ്ടും ഭംഗിയായി തുടര്‍ന്നു. ഇതിനിടയില്‍ എപ്പഴോ പെണ്‍കുട്ടികള്‍ ഒന്ന് തിരിഞ്ഞ് നോക്കി.

'ഡാ അതു കോട്ടിക്കായിരുന്നു' തങ്ങളുടെ ബസ്സിനെ ഓവര്‍ടേക്ക് ചെയ്ത് കടന്നു പോയ ബസ്സിനെ നോക്കി കൊണ്ട് ടിന്റു അലറി.

'മേദിപട്ടണം ചെന്നാല്‍ കോട്ടിക്ക് ഇഷ്ടം പോലെ ബസ് ഉണ്ടാവും കോട്ടിക്ക്'

പിന്നില്‍ നിന്നും അതേ 'തന്ത' യുടെ മറുപടി നല്ല മലയാളത്തില്‍ കേട്ടതും ടിന്റുവും മിന്റുവും തല കുനിച്ചതും ഒരേ നിമിഷമായിരുന്നു.

മൊബൈല്‍ ഫോറസ്റ്റ്

Posted: Friday, September 10, 2010 by Admin in Labels: ,
2

മൊബൈല്‍ ഫോറസ്റ്റ് : പോലീസ് സ്റ്റേഷനുകള്‍ക്ക് മുന്‍പിലെ പതിവ് കാഴ്ച്ചകളില്‍ നിന്നും.

നിങ്ങളെന്നെ ബ്ലോഗറാക്കി

Posted: Sunday, August 15, 2010 by Admin in Labels: ,
6

കേരളത്തിന്റെ ഒരു കോണില്‍ ചുമ്മാ ഇരിക്കുന്ന ഞാനും ഇതാ ബ്ലോഗറാവാന്‍ പോവുന്നു. ഓര്‍ക്കുംബോള്‍ തന്നെ കുളിരു കോരുന്നു. ഇനി പനി എങ്ങാനും ആണോ?.

ഒരിക്കല്‍ കൂടി ബ്ലോഗറാവുന്നു എന്നു പറയുന്നതാണ് ശരി.  എന്റെ ഓര്‍മ്മ ശരിയാണെങ്കില്‍ ഇതെന്റെ അഞ്ചാമത്തെ ബ്ലോഗാണ്. രണ്ടെണ്ണം ഞാന്‍ തന്നെ  delete ചെയ്തു. ഒന്നു ഞാന്‍ രാജി വെച്ച് പോന്നപ്പോള്‍ company delete  ചെയ്തു കാണണം. നാലാമത്തെത് മനോരമ ഓണ്‍ലൈനില്‍ ഇപ്പോഴും നിലവിലുണ്ട്. പക്ഷെ ഇപ്പോള്‍ പോസ്റ്റാറില്ലെന്ന് മാത്രം. കാരണം ഭാവന അങ്ങോട്ട് വികസിക്കുന്നില്ല.

ബ്ലോഗിലെ പുലികളായ ബെര്‍ലിച്ചായന്റെയും കായംകുളം അരുണിന്റെയും ഒക്കെ ബ്ലൊഗ് കാണുംബോള്‍ ഒരു ബ്ലോഗ് തുടങ്ങാന്‍ തോന്നും. ഒരു പോസ്റ്റ് ഇട്ട് നാലോ അഞ്ചോ ദിവസം കഴിഞ്ഞ് ഒന്നു കൂടി വായിക്കുംബോള്‍ തോന്നും ഈ അറിയാന്‍ മേലാത്ത പണിക്ക് നില്‍ക്കണ്ടായിരുന്നെന്ന്. അങ്ങനെ ആ പോസ്റ്റ് അങ്ങ് delete ചെയ്യും. ഈ പ്രക്രിയ ഒരു മൂന്നാല് പ്രാവശ്യം നടക്കും. അതിനു ശേഷം ആ ബ്ലോഗ് തന്നെ അങ്ങ് ഡിലീറ്റ് ചെയ്യും. അതാണെന്റെ പതിവ്.

ഈ ബ്ലൊഗ് എത്ര നാളുണ്‍ടാവുമോ ആവോ?

ഇനി ആരേലും ഈ ബ്ലോഗ് വായിക്കുവാണേല്‍ പുലികളുടെ ഇടയിലുള്ള ഒരു ചെറിയ പൂച്ചയുടെ ബ്ലോഗാണെന്ന് ഓര്‍ത്തു കൊണ്‍ടെ വായിക്കാവൂ. വായനക്ക് ശേഷം കമന്റുകളിലൂടെ എന്നെ തല്ലാം, പക്ഷെ ഞാന്‍ നന്നാവുമോന്നറിയില്ല. പക്ഷെ സില്‍സിലയുടെ അണിയറ ശില്പികളെ ചെയ്തതു പോലെ ചെയ്ത് കളയരുത്.

തല്‍ക്കാലം ഇന്ന് ഇത്രയും മതി

Font Problem?

Click here to download the Malayalam fonts.